Uagut pilluta

Qitiusumik Siunnersuisarfik Ilaqutariinnermut, Naligiissitaanermut Isumaginninnermullu Naalakkersuisoqarfimmi immikkoortortaqarfiuvoq. Immikkoortortaqarfimmi kommunini ingerlatsiviit inatsilerinermi inunnillu isumaginninnermi ineriartornissaat taperserniarlugu pilersinneqarpoq aammalu inunnut meeqqanik inuusuttunillu ajornartorsiortunik suliaqartunut tunngalluni. Qitiusumik Siunnersuisarfimmi (Siunnersuisarfimmi) siunertaavoq meeqqanik inuusuttunillu ajornartorsiortunik kommunit sullissineranni siunnersuisarnissaq ilitsersuisarnissarlu. Siunnersuisarfimmi kommunit oqaloqatiginerisigut suliassanik suliarinnittarnerup pitsaassusiata qanoq qaffarnissaa pillugu kommunini aqutsisut suliassanillu suliarinnittartut siunnersorneqartarput.

Siunnersuisarfimmi sullississutit:

  • Sianerfigisartagaq
  • Saaffik
  • Angalaqatigiittartut
  • Ilisimasaqarfik
  • Tapersersuilluni oqaloqateqrneq

Qitiusumik Siunnersuisarfimmi suliassaapput:

  • Siunnersuisarfimmi sullinniarneqartuni aqutsisunut sulisunullu isumasiueqatigiittarnissamik tapersersuillunilu oqaloqatigiittarnissamik neqerooruteqarneq
  • Suliassanik suliarinnittartunut oqarasuaatikkut, mailikkut angalaqatigiittartullu atorlugit siunnersuisarneq ilitsersuisarnerlu
  • Meeqqat pillugit politikkimik aaqqissuusseqqinnermi il. il. ilinniartitsisarnernik ilikkagaqartarnernillu aaqqissuussineq
  • Ingerlatsivinni aaqqissuussaanermi anguneqartussanik ineriartortitsinernik tapersersuineq
  • Meeqqat inuussuttullu pillugit ilisimasanik ININ suleqatigalugu katersuisarneq, pilersitsisarneq ingerlatitseqqiisarnerlu
  • Inunnik isumaginninnermi suleriaatsit periutsillu sunniuteqartut pillugit ilisimasanik ingerlatitseqqiisarneq
  • Kommunit tamanut tunngasunik immikkullu ittunik siunnersuisarneq
  • Suliani ajornakusoortuni kommuninut siunnersuisarneq
  • Inatsisissat nutaat piareersarneranni ilisimasat nutaat misilittakkallu atorlugit peqataaneq
  • Ilisimasanik pikkorissartitsisarneq