Angalaqatigiittartut

Angalaqatigiittartut

Angalaqatigiittartut kommuni kiisalu illoqarfii nunaqarfinnilu immikkoortortaqarfii tikeraartarpaat. Tassani suliassanik suliarinnittarnermi ilitsersuisoqartarpoq, sakkussanik suliariaatsillu taperserlugit ilitsersuutinik atuutilersitsinermi ikiuisoqartarluni, kommunini ingerlatsivinni immikkoortortaqarfinnilu ataasiakkaani sumiiffinni pikkorissaasoqartarpoq.

Sulianik ingerlatsinermi isumasiueqatigiittarneq

Angalaqatigiittartut tapersersuinissamik ilitsersuinissamillu kiisalu ulluinniarni sulinissinni suliassanik ingerlatsinermi sulinermilu siunnersuinissamik neqerooruteqartarput.

Sumiiffinni pikkorissartitsinerit

Kommunit ataasiakkaat assigiinngitsunik aaqqissusaapput ulluinnarnilu assigiinngitsunik unammilligassaqartarlutik, taamaammat sumiiffinni ajornartorsiutit aallaavigalugit sumiiffinni pikkorissartitsinissanik pilersaarusiortoqarsinnaavoq. Angalaqatigiittartut pikkorissartitsisarnerat pikkorissartitsinerit piginnaasanillu qaffassaanernut aallartinneqareersunut paarlaanneqassanngillat.

Sammisat tunngavigalugit pikkorissartitsinerit Angalaqatigiittartut neqeroorutigisartagaat; suliassanik suliarinnittarnermi sammisanik toqqakkanik suliariaaseqarnernik isumaginninnermillu suliaqarnermi suliassanik suliarinnittartut sakkussaqartilerlugit pikkorissartitsinerit. Pikkorissartitsisarnerit suliassanik suliarinnittartunik oqaloqateqarnerit tunngaviupput, sumiiffinni pikkorissartitsisarnernut assersuutit:

-          Iliuusissatut pilersaarutinik pikkorissartitsinerit, iliuusissatut pilersaarutit pillugit sunik piumasaqaateqartoqartarpa? Suliaq qaqugukkut paasinarsissava?

-          Inatsisinik paasinninneq qanorlu nassuiarneqassanersut

-          Suliami kikkut suleqatigineqartarpat?

-          Meeqqat/ilaqutariit qanoq naapinneqassappat?

-          Piginnaatitaaffinnik pikkorissartitsinerit – innuttaasut/meeqqat pisinnaatitaaffii